Costa Brava - 5 göngudagar (2-3 skór)

Costa Brava eða The Wild Coast eins og hún er oft kölluð er þekkt fyrir fallegar srandlengjur, með fallegum litlum sjávarþorpum og bíður svæðið upp á stórkostlegar gönguleiðir.

Á Costa Brava er m.a. að finna borgina Girona sem er talinn vera falinn fjársjóður Spánar með öllum sínum fallegu byggingum og söfnum. Hér er einnig að finna einu litríkustu borg í heimi, Barcelona og er hún þekkt fyrir að vera einstaklega skemmtileg að heimsækja.

Í þessari ferð okkar munum við blanda saman göngu og menningu. Í þessari ferð okkar munum við blanda saman göngu og menningu. Við gistum á La Costa Beach & Golf Hotel í fjórar nætur og þrjár nætur á Almadraba Park Hotel við landamæra Frakklands.

 

 

Laugardagur 18. maí ´19:  Koma

Flug Norwegian D85667 klukkan 18:55 og lent í Barcelona klukkan 01:10. Fararstjóri tekur á móti hópnum á Barcelona flugvelli og keyrt er til La Costa Beach & Golf Hotel þar sem gist er næstu 4 nætur.

 

Sunnudagur 19. maí ´19:  Pertallada - Pals - Hotel

Við byrjum daginn á því að keyra til Pertallada þar sem við munum taka smá skoðunarferð um þorpið áður en við göngum til Pals. Gengið er á breiðum malarvegum og þegar þangað er komið munum við snæða nestið okkar við kastalann í Pals og eftir það gefum okkur tíma til að rölta um og skoða þennan sögufræga stað. Frá Pals er gengið heim á hótel en þeir sem vilja vera lengur í bænum geta tekið leigubíl og stytta gönguna þá um 7 km.

Ganga: 13 km

 

Mánudagur 20. maí ´19:  Begur

Keyrt er frá hóteli til Begur og við byrjum á því að ganga upp að kastala. Frá Begur er gengið niður að stöndinni og gengið meðfram strandlengjunni til Sa Tuna þar sem við munum stoppa í hádegisverð. Áfram er svo gengið meðfram ströndinni á góðum stígum og tröppum og lokum við hringnum í Sa Riera þar sem við munum setjast í drykk áður en haldið er heim á hótel. Síðasti spölurinn er strandganga og gott að skella sér í fótabað áður en við komum á hótelið. 

Ganga: 12 km

 

Þriðjudagur 21. maí ´19:  Playa De La Fosca - Calella de Palafrugell

Keyrt frá hóteli að upphafstað göngu og byrjum við að labba á góðum moldarstígum, framhjá nokkrum víkum og er hver önnur fegurri. Gengið að hluta í flæðarmálinu og hægt er að skella sér í fótabað eða sund í sjónum.

Ganga: 12 km

 

Miðvikudagur 22. maí ´19:  Girona

Þá er komið að því að yfirgefa suður svæðið og halda til norður. Keyrt er frá hóteli klukkan 09:00 um morguninn og við tekur um klukkutíma keyrsla til Girona. Þar er frjáls tími til að skoða sig um eða versla í þessari frábæru borg. Þaðan er svo keyrt í ca. klukkutíma til Almadraba Prak Hotel í Roses þar sem við munum gista síðustu 3 næturnar. 

 

 

Fimmtudagur 23. maí ´19:  Cadaqués

Þennan daginn er boðið upp á tvo valkosti. Annarsvegar að taka leigubíl frá hótel til Cala Monjoi og sleppa um 3 km og hinsvegar að ganga allan daginn. Þetta er dásamleg gönguleið meðfram strandlengjunni, framhjá litlum fiskiþorpum og fagurgrænum víkum. Cadaqués er einstaklega fallegur bær með fiskimannahúsum við höfnina og fallegum og tignarlegum byggingum hvert sem litið er. Frjáls tími í bænum eftir göngu og síðan er keyrt aftur heim á hótel.

Ganga: 16 km Hækkun: 250 m

 

 

Föstudagur 24. maí ´19:  Roses (Frjáls dagur)

Í dag verður boðið upp á göngu meðfram strandlengjunni til Roses (ca. 5 km - aðra leiðina) fyrir þá sem vilja. Eftir það getur fólk rölt um bæjinn eða skellt sér til Figueres en þar er m.a. að finna safn Salvador Dalí (Dalí Theatre and Museum). Það tekur um 30 mínútur í leigubíl að fara aðra leiðina til Figueres. 

 

Laugardagur 25. maí ´19:  Heimferð

Rúta frá hóteli á Barcelona flugvöll. Flug Norwegian 15:35 og lent í Keflavík klukkan 18:05.

 

Verð: €1245

 

Innifalið í verði

  • Gisting í 7 nætur með morgunverð

  • 7 x kvöldverður (vín og vatn með mat)

  • 4 x nesti (samloka, ávöxtur, jógúrt, kex og vatn)

  • Allur akstur á Costa Brava (sjá ferðaáætlun)

  • Íslensk og fararstjórn allan tíman

  • Leiðsögumenn á 3 x göngudögum

  • Skattar og gjöld á Costa Brava

Aukagjald fyrir einbýli €160.

 

Ekki innifalið

  • Flug til og frá Barcelona (sjá hér að neðan)

  • Ferðatryggingar

 

Verð fyrir flug

£240 per mann.

Vinsamlegast hafið samband við Ingu til að bóka í ferð - inga@skotganga.co.uk

Staðfestingargjald (óendurkræft) £150 greiðast við bókun.

Lokagreiðsla ferðar greiðist 5 vikum fyrir brottför.