Ganga & jóga á Tenerife

 

Inga Geirsdóttir fararstjóri og Sigríður Herdís Ásgeirsdóttir jógakennari bjóða upp á göngu og jógaferð til Tenerife í mars 2020. Í þessari ferð okkar ætlum við að njóta þess að vera í góðra vina hópi, rækta líkama og sál með gönguferðum og jóga og gera vel við okkur. Þessi ferð hentar konum á öllum aldri.

Gist er á Catalonia Oro Negro sem er á amerísku ströndinni, innan við 10 mínútna göngufæri frá stöndinni og ca. 1 km göngu frá Laugarveginum. Hótelið býður upp á ókeypis WiFi, stóra útisundlaug og herbergi með gerfihnattasjónvarpi. Öll herbergin eru björt, með loftkælingu og eru annaðhvort með sérsvalir eða verönd.

 

Sunnudagur 1. mars ´20: Koma

Flug D85943 með Norwegian til Tenerife klukkan 11:15 og lent klukkan 17:00. Þar tekur fararstjóri á móti hópnum og við tekur um 20 mín keyrsla á Hotel Oro Negro.

 

Mánudagur 2. mars ´20: Los Cristianos

Í dag er boðið upp á gönguferð út í Los Cristianos (3 km) þar sem verður boðið upp á jóga á ströndinni. Þær sem vilja að ganga Montana de Guaza (430 m - 3 klukkutímar aukalega) geta gert það með fararstjóra. Aðrar geta skoðað sig um í bænum og labbað eða tekið leigubíl heim á hótel.

 


Þriðjudagur 3. mars ´20: Anaga fjallagarðurinn

Á Norðurhluta Tenerife er hinn hrjóstugi Anaga fjallagarður. Stór svæði hans eru friðuð enda hafa þessi fjöll mikil og söguleg gildi. Anaga fjöllin teygja sig frá Punta de Anaga í norðaustri og að Cruz del Carmen í suðvestri. Fjöllin eru elstu hlutar Tenerife og mynduðustu í eldgosum fyrir 7-9 milljónum ára. Margir einstakir staðir, bæði fyrir sérstakt og fjölbreytt gróðurríki og ævintýralegt útsýni. Þar er t.d. Roques de Anaga, sem myndaðist í eldsumbrotum og eru margar jarðfræðilegar minjar í nágrenni þess. Við Barranoco de Las Huertas er einstakt útsýni yfir vogskorna norðurströndina.

Þetta svæði er oft nefnt best geymda leyndarmál eyjunnar þar sem það þykir ekki fullkannað. Skemmtileg smáþorp er að finna á þessu svæði þar sem enn býr fólk í náttúrulegum hellum. Gróðurinn í hlíðum nærliggjandi fjalls, Monte de Mercedes er einkar athyglisverður. Þar er Mercedes skógurinn sem endar í þorpinu Las Mercudes. Í skóginum eru trjátegundir “greenwood” sem lifa í raka og hita, tegundir sem voru útbreiddar við Miðjarðarhafið og í Norður Afríku fyrir milljónum ára. Nú finnast þær bara á sumum Kanaríeyjanna, á Madeira og á Azoreyjunum.

Lagt er af stað frá hóteli klukkan 09:00 og við tekur um 45 mínútur í keyrslu á upphafstað göngu. Gönguleiðin byrjar í ca. 920 m hæð og gengið er niður skógarstíga og grófari steina innan um furutré og fallegan gróður með útsýni út á haf. Við munum fá okkur hádegisnesti í Cintamada og eftir það er gengið upp til Las Carboneras þar sem rútan mun sækja okkur. Eftir það er ca. klukkutíma keyrsla heim á hótel.

Ganga: 12 km (4-5 tímar)


Miðvikudagur 4. mars ´20: Frjáls dagur

Eftir morgunverð verður boðið upp á jóga fyrir þær sem það og svo er frjáls tími frameftir degi.

 

Fimmtudagur 5. mars ´20: Teide National Park

Fjallið El Teide er hæsta fjall Spánar og perla eyjunnar sem hefur verið ráðandi aðdráttarafl á þá sem heimsækja Tenerife. Allt umhverfi það er ævintýralegt. Fjallið er rúmlega 3700 m á hæð en aðgengi að því er mjög gott þar sem malbikaðir góðir vegir liggja á nokkrum stöðum á fjallinu. Í þjóðgarðinum eru margir spennandi staðir svosem Las Canadas, the Roques de Garcia, fagurlega lagaðir klettar í miðju þjóðgarðsins og Parador Nacional de Las Canadas svo eitthvað sé nefnt. Í garðinum finnast sjaldgæfar plöntur og fluglategundir.

Keyrt er frá hóteli klukkan 09:00 og við tekur um klukkutíma keyrsla að Teide National Park. Gönguleiðin byrjar í 2136 m hæð og er mikilvægt að hafa með sér hlýjan fatnað þar sem getur verið vindasamt við fjallið.

Ganga: 6 km - Hækkun: 217 m

 

Föstudagur 6. mars ´20: Arenas Negras

Hér í fjallendi Tenerife eru hinir risavöxnu furuskógar eyjunnar og er talið að furuskógar hafi þakið mun stærra svæði áður en fyrr en í dag. Landslagið ber merki þess um eldgos frá 1706 þar sem hægt er að sjá mikið af klettum og hraungrjóti innan um svartan sandinn.

Lagt er af stað frá hóteli klukkan 09:00 og keyrt er til Arenas Negras eða Svarta Sand og er þetta um klukkutími í keyrslu. Gangan byrjar í 2238 m hæð og er þetta þæginleg gönguleið á malarstígum, sandi að hluta og góðum stígum innan um grófa hraunsteina.

Eftir göngu er keyrt að El Drago sem er talið vera elsta drekatré í heimi.

Ganga: 11 km (4-5 klukkutímar)

Laugardagur 7. mars ´20: Óvissuferð

Lagt af stað frá hóteli eftir morgunverð út í óvissuna (ganga og jóga).

 

Sunnudagur 8. mars ´20: Heimferð

Frjáls tími fram að brottför. Rúta upp á flugvöll - flug D85942 með Norwegian klukkan 17:55 og lent í Keflavík klukkan 23:30.

Verð: €1180

Verð miðast við tvíbýli. Aukagjald fyrir einbýli €260.

Innifalið í verði

  • Akstur samkvæmt dagskrá á Tenerife

  • Gisting með morgunverð og kvöldverð (innifalið vín og vatn með mat)

  • Nesti á fjórum göngudögum

  • Jóga og íslensk fararstjórn alla daga

 

Ekki innifalið

  • Flug til og frá Tenerife

  • Ferðatryggingar

  • Hádegisverðir á þremur dögum

ATH. Flug greiðist sérstaklega til Heimsferða. Við eigum frátekin sæti á 64.900 ISK.

Við bókun greiðast £150 til Skotgöngu (staðfestingargjald á hótel) og eins þarf að festa flug með 35.000 ISK innáborgun.

Bókanir og allar nánari upplýsingar á inga@skotganga.co.uk.