Great Glen Way - 123 km gengnir á 6 dögum (3 skór)

 

Great Glen Way er 123 km löng gönguleið frá Fort William til Inverness. Gengið framhjá hæsta fjalli Bretlandseyja (Ben Nevis), fylgt stærsta jarðfræðilega misgengi Bretlands og meðfram frægasta vatni Bretlands (Loch Ness). Gangan endar í Inverness, sem er nyrsta borg Skotlandsog höfuðborg Hálandanna. Mikið af göngunni er meðfram siglingarleiðinni Calendonian Canal, en smíði hennar þykir eitt mesta verkfræðilega afrek Viktoríutímans í Skotlandi. Gönguleiðin er yfirleitt auðveld yfirferðar, eftir göngu- og skógarstígum en það eru þó kaflar á leiðinni sem eru erfiðari og síðasta daginn er gengið 31 km.

  

  

Laugardagur 27. júlí ´19: Glasgow - Fort William

Flug FI430 með Icelandair klukkan 10:30. Lent í Glasgow kl. 13:50 og þar taka fararstjórar á móti hópnum. Þaðan er ekið til Fort William, sem er 10.000 manna bær við rætur Ben Nevis (hæsta fjall Bretlandseyja) í Hálöndum Skotlands.  Gist í Fort William næstu 2 næturnar.

 

Sunnudagur 28. júlí ´19: Fort William - Gairlochy

Þessi dagur er þægilegur í göngu. Gengið að Inverlochy kastala (byggður 1260) og hann skoðaður. Síðan gengið að Neptune's Staircase skipastiganum og áfram upp með Caledonian Canal til Gairlochy. Þaðan er keyrt (ca. 30 mín) til Fort William.

Ganga: 18 km - Hækkun 25 m

GGW11.JPG

  

Mánudagur 29. júlí ´19: Gairlochy - South Laggan

Keyrt frá Fort William til Gairlochy. Gengið frá Gairlochy til South Laggan. Frekar létt ganga þennan daginn meðfram Loch Lochy vatninu. Keyrt frá South Laggan til Fort Augustus (ca. 30 mínútur) þar sem gist verður næstu tvær nætur. 

Ganga: 18 km - Hækkun 150 m

    

Þriðjudagur 30. júlí ´19: South Laggan - Fort Augustus

Keyrt frá Fort Augustus til South Laggan (ca. 30 mín í keyrslu). Gengið meðfram Loch Oich vatni í skóglendi áleiðis til Fort Augustus.

Ganga: 18 km - Hækkun 50 m

 

GGW1.jpg

 

Miðvikudagur 31. júlí ´19: Fort Augustus - Invermoriston

Um morguninn gefst kostur á að fara í siglingu um Loch Ness áður en lagt er af stað í gönguna. Hér er gengið meðfram Loch Ness - á þessari dagleið má sjá einu eyjuna á vatninu (Cherry Island) sem er reyndar örsmá. Gengið í skógi áleiðis til Invermoriston, sem er lítill bær við Loch Ness. Þar verður gist um nóttina.

Ganga 14 km - Hækkun 200 m

  

Fimmtudagur 1. ágúst ´19: Invermoriston - Drumnadrochit

Áfram er þrammað meðfram Loch Ness - á þessari dagleið er mjög gott útsýni yfir Great Glen. Áningarstaður þennan daginn er Drumnadrochit, sem er vinalegur bær og þar er hægt að kynna sér sögu Nessie (Loch Ness skrýmslisins). Örstutt frá bænum er hinn stórkostlegi Urquhart kastali sem upphaflega var byggður 1250.

Ganga: 24 km - Hækkun 400 m

GGW4.jpg

 

Föstudagur 2. ágúst ´19: Drumnadrochit - Inverness

Í dag er lagt í lokaáfanga leiðarinnar. Þetta er lengsti dagur göngunnar en að sama skapi afskaplega skemmtilegur - hér er hæsti punktur leiðarinnar sem býður upp á stórkostlegt útsýni. Á lokakaflanum er gengið frá Loch Ness til Inverness, höfuðborgar Hálandanna. Gangan endar við Inverness kastala. Gist í Inverness.

Ganga: 31 km - Hækkun 390 m

 

Laugardagur 3. ágúst ´19: Inverness - Glasgow

Um morguninn er farið með rútu frá Inverness til Glasgow. Frjáls eftirmiðdagur og kvöld í Glasgow. Gist í miðborg Glasgow.

 

 

Sunnudagur 4. ágúst ´19: Heimferð

Keyrt frá hóteli upp á Glasgow flugvöll. Flug FI431 með Icelandair frá Glasgow kl. 14:40 og lent í Keflavík klukkan 16:10.

 

Verð: £1,020

 

Innifalið í verði ferðar:

Akstur frá Glasgow flugvelli til Fort William, gistingar með morgunverði, nesti á göngudögum, drykkur á kynningarfundi á komudegi, farangursflutningur (1 taska - MAX 18 kg), kort af leið, akstur á göngudögum (sjá dagskrá), akstur frá Inverness til Glasgow og akstur frá Glasgow á Glasgow flugvöll. Íslensk fararstjórn alla daga.

Verð miðast við tvíbýli - aukagjald fyrir einbýli er £270

Ekki innifalið:

Flug og ferðatryggingar

Flug

Við eigum frátekin 25 sæti hjá Icelandair á 42.200 kr per mann

Innifalið í verði eru skattar og þjónustugjald, 1 taska 23 kg og handfarangur 10 kg

Vinsamlegast athugið að verð miðast við gengi og flugvallskatta dagsins í dag

Hér eru skilmálar hópadeildar Icelandair: www.icelandair.com/is/adstod/skilmalar-og-skilyrdi/skilmalar-hopadeildar/

Staðfestingargjald (óendurkræft) £150 greiðast við bókun.

Greiðsla fyrir flug greiðist til hópadeildar Icelandair 6 vikum fyrir brottför.

Lokagreiðsla ferðar greiðist 5 vikum fyrir brottför.