Great Glen Way - 123 km gengnir á 6 dögum (3 skór)

 

West Great Glen Way er 123 km löng gönguleið frá Fort William til Inverness. Gengið er framhjá hæsta fjalli Bretlandseyja (Ben Nevis), fylgt stærsta jarðfræðilega misgengi Bretlands og meðfram frægasta vatni Bretlands (Loch Ness). Gangan endar í Inverness, sem er nyrsta borg Skotlands. Mikið af göngunni er meðfram siglingarleiðinni Caledonian Canal, en smíði hennar þykir eitt mesta verkfræðilega afrek Viktoríutímans í Skotlandi. Gönguleiðin er yfirleitt auðveld yfirferðar, eftir göngu- og skógarstígum en það eru þó kaflar á leiðinni sem eru erfiðari og síðasta daginn er gengið 31 km.

 

Dagur 1: Fort William - Gairlochy

Þessi dagur er þæginlegur í göngu. Gengið að Inverlochy kastala (byggður 1260) og síðan er gengið að Neptune´s Staircase skipastiganum og áfram upp með Caledonian Canal til Gairlochy. Þaðan er keyrt (5 mín) til Spean Bridge þar sem gist verður.

Ganga: 18 km- Hækkun: 25 m

 

Dagur 2: Gairlochy - South Laggan

Frekar létt ganga þennan daginn meðfram Loch Lochy vatninu.

Ganga: 18 km- Hækkun: 150 m

 

Dagur 3: Shouth Laggan - Fort Augustus

Gengið meðfram Loch Oich vatni í skóglendi áleiðis til Fort Augustus sem er afar fallegur bær við suðurenda Loch Ness. Gist í Fort Augustus.

Ganga: 18 km- Hækkun: 50 m

 

Dagur 4: Fort Augustus - Invermoriston

Um morguninn gefst kostur á að fara í siglingu um Loch Ness áður en lagt er af stað í gönguna. Hér er gengið meðfram Loch Ness - á þessari dagleið má sjá einu eyjuna á vatninu (Cherry Island) sem er reyndar örsmá. Gengið í skógi áleiðis til Invermoriston, þar sem gist er um nóttina.

Ganga: 14 km- Hækkun: 200 m

 

 

Dagur 5: Invermoriston - Drumnadrochit

Áfram er gengið meðfram Loch Ness - á þessari dagleið er mjög gott útsýni yfir Great Glen. Áningarstaður þennan daginn er Drumadrochit, sem er vinalegur bær og þar er hægt að kynna sér sögu Nesie (Loch Ness skrýmslins). Örstutt frá bænum er hinn stórkostlegi Urquhart kastali sem var byggður 1250.

Ganga: 24 km- Hækkun: 400 m

 

Dagur 6: Drumnadrochit - Inverness

Þetta er lengsti dagur göngunnar en að sama skapi afskaplega skemmtilegur - hér er hæsti punktur leiðarinnar sem býður upp á stórkostlegt útsýni. Á lokakaflanum er gengið frá Loch Ness til Inverness, höfuðborgar Hálandanna. Gangan endar við Inverness kastala, Gist í Inverness.

Ganga: 31 km- Hækkun: 390 m

 

Vinsamlegast hafið samband til að fá verð þar sem verð getur verið breytilegt.