Heilsa og hamingja - Ganga og sjálfsrækt með Ingu Geirs og Kristínu Lindu

Skotganga býður til einstakrar vikudvalar fyrir konur, 40 ára og eldri, á Alicante á Spáni í október 2018. Inga Geirs sér um allt skipulag og gönguferðir en Kristín Linda Jónsdóttir sálfræðingur og ritstjóri tímaritsins Húsfreyjunnar heldur námskeið um listina að lifa, stefnumótun, vellíðan, hamingju og heilsusamlegan lífstíl í einkalífi og á vinnustað. Námskeiðið er byggt á sálfræðilegri þekkingu, hugrænni atferlismeðferð, jákvæðri sálfræði, núvitund og samkenndarsálfræði og er bæði hagnýt og öflugt og jákvætt og skemmtilegt. Allir þátttakendur fá skjal til staðfestingar á námskeiðinu. Komið verður upp prjónasvæði fyrir hópinn þar sem kjörið er að prjóna saman, spjalla og miðla hugmyndum og þekkingu á prjónaskap. Vikan verður skemmtileg og uppbyggjandi fyrir líkama og sál, jákvæð og gefandi samvera, fróðleikur og fjör.

Allar konur 40+ velkomnar en stakar konur eru sérstaklega hvattar til að koma, taka þátt og mynda ný vinabönd. Allir dagskráliðir, göngur, námskeið og prjón er að sjálfsögðu valkvætt þannig að þú tekur þátt í því sem þú óskar þegar þú vilt. Gist er í tveggja manna herbergjum og stökum konum er raðað saman af fararstjórum. Morgunverður er innifalinn alla daga á hótelinu frá 08:00- 09:00 og kvöldverður frá 19:00.

Hótel - Playa Hotel & Spa er 4**** hótel á frábærum stað rétt við ströndina í Albir. Það tekur örfáar mínútur að rölta á ströndina sem er steinvöluströnd. Þjónustan á hótelinu er afar fjölbreytt og því flestir sem geta fundið eitthvað við hæfi. Það er útisundlaug í hótelgarðinum en einnig er innisundlaug og heilsulind. Á hverju herbergi er sjónvarp, hárþurrka, ísskápur/minibar, svalir og þráðlaust net án endurgjalds. 

 

7. október

Flug með WOW (WW616) frá Keflavík klukkan 17:35. Lent er á Alicante eftir miðnætti klukkan 00:15. Þar tekur fararstjóri á móti hópnum og keyrt er á Albir Playa & Spa.

 

1.jpg

 

8. október

09:00- 11:00 Námskeið - Stöðumat, sjálfsþekking, líðan, farsæld, jákvæðni og lífsgleði. Að lifa heilsusamlegu og skemmtilegu lífi, fræðsla, æfingar og spjall. Gaman saman.

11:00- 15:00 Ganga - kynningarganga um svæðið, um 4 km.

15:00- 19:00 Frjáls tími og prjónasamvera

 

2.jpg

 

9. október

09:00- 11:00 Námskeið - Heilsusamlegt dagskipulag og vinnuhegðun fyrir líkama og sál. Vönduð og uppbyggileg samskipti, meðvirkni, mörk, velvild, jákvæðni og færni í að vera skemmtilegur!

11:00- 15:00 Ganga til Altea. Gengið upp í gamla bæinn og hann skoðaður og heim aftur um 8 km, ef fólk vill er hægt að taka leigubíl til baka.

15:00- 19:00 Frjáls tími og prjónasamvera

 

3.jpg

 

10. október

09:00- 11:00 Námskeið - Að rækta hamingjuna á fjölbreyttan hátt. Jákvæð sálfræði, núvitund, greining ánægjustunda, gleði, sjálfsefling, sjálfssátt og farsæld. Meiri hamingja er möguleg!

11:00- 15:00 Ganga - La Fustera til Calpe um 7 km ganga - keyrt að upphafstað og svo heim aftur.

15:00- 19:00 Frjáls tími og prjónasamvera

 

4.jpg

 

11. október

Frjáls dagur algjörlega að eigin vali - njótið dagsins!

 

5.jpg

 

12. október

09:00- 11:00 Námskeið - Styrkur og bjargráð, hagnýt úrræði á álagstímum og í krefjandi lífi, leiðir til einföldunar. Gagnleg ráð við þreytu, streytu, áhyggjum og álagi. Slökun, núvitund, hugleiðsla. 

11:00- 15:00 Ganga - El Faro vitinn, 9 km.

15:00- 19:00 Frjáls tími og prjónasamvera

 

6.jpg

 

13. október

09:00- 11:00 Námskeið - Líflínan mín, ævintýri og áskoranir, stefnumótun og framtíðarsýn. Að greina gildi sín og markmið einmitt núna og vinna eigin stefnuskrá og óskalista. Ævintýri enn gerast!

11:00- 17:00 Guadalest - gengin þar falleg leið meðfram uppistöðulóni og þaðan er farið til Guadalest og hefur fólk þar frjálsan tíma til að skoða sig um þetta fallega þorp áður en lagt er af stað heim. 

 

7.jpg

  

14. október

Heimferðadagur - farið út á flugvöll klukkan 22:00. Kjörið að nýta daginn til að versla, spjalla, prjóna eða taka gönguferð á eigin vegum. Flug með WOW (WW617) eftir miðnætti klukkan 01:05 og lent á Keflavík 15. október klukkan 04:00.

 

 

Verð: €950

 

Innifalið í verði ferðar:

Akstur til og frá flugvelli, gisting með morgunverð og kvöldverð (innifalið vínn og vatn með mat), námskeið og námsgöng, gönguferðir, keyrsla til/frá gönguleiðum. Aðgangur í heilsulind hótelsins einn daginn (aðra daga er greitt sérstaklega og eins ef fólk vill fara í nudd og slíkt þá er það greitt á hótelinu). Íslensk fararstjórn allan tíman. 

Verð miðast við tvíbýli. Aukagjald fyrir eins manns herbergi. Vinsamlegast athugið að flug er greitt sérstaklega. Við eigum frátekið flug hjá WOW á 35.500 ISK (bókunarnúmer IKOSVD). Flug er fest með 10.000 ISK innáborgun og eins er greitt £120 per mann fyrir innáborgun á hótel - vinsamlegast hafið samband við Ingu - inga@skotganga.co.uk eða Kristínu Lind Jónsdóttur, sálfræðing - kristinlinda@huglind.is til að skrá ykkur í ferðina.

Allir þátttakendur frá viðurkenningarskjal fyrir þátttöku á 10 klukkustunda námskeiðinu: Listin að lifa - Stefnumótun, vellíðan, hamingja og heilsusamlegur lífstíll í einkalífi og á vinnustað. Sem nýja má til að sækja um styrk frá sjóðum stéttafélaga eða aðra styrki til endurmenntunar sem viðkomandi kann að eiga rétt á.