Ferðaáætlun
Menningar- og skemmtiferð til Írlands, Wales & Englands
Flug FI416 til Dublin. Brottför 07:30, lending 11:05. Fararstjórar taka á móti hópnum í Dublin og ekið er í miðborg Dublin þar sem boðið verður upp á léttan hádegisverð. Að því loknu munum við skoða Dublinia safnið þar sem hægt er að kynna sér víkinga- og miðaldasögu Dublin. Einnig skoðum við Christ Church dómkirkjuna sem er við hliðina á Dublinia safninu. Ökum síðan á gististaðinn og svo tekur við frjáls tími síðdegis. Gist er á Riu Plaza Hotel í Dublin fyrstu 3 næturnar.
Sameiginlegur kvöldverður á hóteli.
Hópum skipt upp í tvennt.
Hópur 1: Skoðunarferð 9:00 – 17:30
Staðir heimsóttir í ferðinni: Trinity College í Dublin. Hefur að geyma dýrgripinn Book of Kells sem skrifuð var á eyjunni helgu, Iona í Skotlandi á 8. öld. Til að koma í veg fyrir að bókinni yrði rænt af víkingum var henni forðað til Írlands, Newgrange (5.200 ára grafhýsi frá steinöld), Hill of Tara (krýningarstaður írskra konunga til forna) og Trim kastali - tólftu aldar kastali í County Meath og einn af tökustöðum Braveheart myndarinnar.
Sameiginlegur kvöldverður á hóteli.
Hópur 2: Frjáls dagur og kvöld í Dublin.
Hópur 1: Frjáls dagur og kvöld í Dublin.
Hópur 2: Skoðunarferð 9:00 – 17:30 (Trinity College, Newgrange, Hill of Tara, Trim kastali).
Tékkað út af hótelinu og ekið að ferjuhöfninni í Dublin. Siglt til Holyhead í Wales. Ekið til Beaumaris á Anglesey. Þar verður frjáls tími til að skoða sig um í bænum og snæða hádegisverð. Að því loknu er ekið til Chester þar sem við gistum næstu nótt.
Sameiginlegur kvöldverður.
The Battle of Brunanburh (nefnd orrustan á Vínheiði í Egils sögu) var háð árið 937 þar sem her Aðalsteins Englandskonungs atti kappi við sameinaðan her Ólafs Dyflinnarkonungs, Constantine II Skotlandskonungs og Owain konungs Strathclyde. Bræðurnir Egill og Þórólfur Skallagrímssynir börðust þar í her Aðalsteins. Þessi bardagi þykir einn sá mikilvægasti í sögu Bretlandseyja. Skiptar skoðanir eru um staðsetningu orrustunnar, en vinsælasta kenningin er sú að hún hafi verið háð á Wirral skaga. Við munum aka um skagann og velta fyrir okkur vænlegum bardagastöðum.
Síðan tökum við stefnuna norður á bóginn og ökum til Vatnahéraðsins (Lake District), en þar munum við gista næstu 2 nætur í Bowness-on-Windermere. Bowness er afar fallegur bær við Lake Windermere sem er stærsta stöðuvatn Englands.
Síðdegis er farið í klukkutíma siglingu um Lake Windermere. Boðið verður upp á kampavínsglas um borð.
Sameiginlegur kvöldverður á hótelinu.
Frjáls dagur til að skoða sig um og njóta lífsins í Bowness og nágrenni. Hægt að fara í gönguferð á útsýnisstaðinn Orrest Head, skoða The World of Beatrix Potter, heimsækja Hole in t‘ Wall (krá frá árinu 1612 sem var í miklu uppáhaldi hjá Charles Dickens) og margt fleira.
Sameiginlegur kvöldverður á hótelinu.
Kveðjum Vatnahéraðið og tökum stefnuna á Hadrian’s Wall, sem er veggur sem byggður var af Rómverjum 122 - 128AD og markaði landamæri Rómaveldis í Bretlandi. Þar skoðum við rómverska virkið Vindolanda og kynnum okkur sögu Rómverja á svæðinu og byggingu Hadrian’s Wall.
Boðið upp á hádegisverð skammt frá safninu. Ökum þaðan til York þar sem gist verður síðustu 2 nætur ferðarinnar.
Sameiginlegur kvöldverður á hóteli.
Göngum frá hótelinu að JORVIK Viking Centre þar sem við kynnum okkur víkingasögu borgarinnar. Síðan tekur við frjáls tími í borginni, þar sem þið getið skoðað það fjölmarga sem York hefur upp á að bjóða, svo sem dómkirkjuna Yorkminster, Clifford‘s Tower, Borgarmúrana, The Shambles (ein best varðveitta miðalda verslunargata í Evrópu) ofl. ofl.
Ekið til Manchester flugvallar. Flug FI441 kl. 13:00 og lent kl. 14:50.
Hvað er innifalið
- Áætlunarflug með Icelandair KEF-DUB
- Áætunarflug með Icelandair MAN-KEF
- Ein taska max 23 kg & 10 kg handfarangur
- Flugvallarskattar
- Gisting með morgunverði í 8 nætur
- Allur akstur skv. dagskrá
- 6 kvöldverðir
- 2 hádegisverðir
- Kampavínssigling á Lake Vindermere
- Allur akstur skv. dagskrá
- Ferjusigling Dublin – Holyhead
- Aðgangseyrir í Dublinia
- Aðgangseyrir í Christ Church
- Aðgangseyrir í Newgrange
- Aðgangseyrir í Trinity College
- Aðgangseyrir í Jorvik Viking Centre
- Aððgangseyrir í Vindolanda
- Íslensk fararstjórn
- Skattar & lögboðin tryggingagjöld í UK
Ekki innifalið
- 2 kvöldverðir
- 7 hádegisverðir
- Ferðatryggingar
- Þjórfé fyrir rútubílstjóra
Snorri Guðmundsson
Inga Geirsdóttir
Við viljum koma á framfæri innilegum þökkum fyrir þessa frábæru ferð. Félagsskapurinn er einstaklega samhentur og skemmtilegur og allt skipulag og utanumhald Ingu og Snorra alveg til fyrirmyndar.
Við Lárus þökkum kærlega fyrir frábærar samverustundir. Þetta var glæsileg ferð að vanda og margur merkilegur fróðleikurinn, sem okkur barst til eyrna. Takk kærlega Inga og Snorri fyrir skipulagið hjálpina og góða veðrið.
Viss eftirvænting ríkir þegar lagt er af stað í ferð með ykkur, Inga og Snorri. Þessi ferð var frábær í alla staði og gaman að hitta allt þetta góða samferðafólk.
Algengar spurningar
Þó að við getum aldrei treyst á veðrið, er ágúst oftast heitasti tíminn á Bretlandseyjum og Írlandi með meðalhita um 19- 21°.
Þeir sem eru að ferðast í hóp mega gjarnan láta okkur vita við fyrsta tækifæri til að tryggja að þið eruð í sama hóp í skoðunarferðinni í Dublin. Eins er hægt að senda okkur beiðni ef annar dagurinn hentar betur í skoðunarferð.
Við göngum ekki mikið og erum yfirleitt á mjög greiðfæru undirlagi en áreynslan er meiri af því að sitja í rútunni og mikilvægt að geta hreyft ökklana. Þá er gott að vera á lágum gönguskóm/íþróttaskóm sem lofta. Sterklegir gönguskór eru því óþarfi, frekar léttir og lágir skór, sem hrinda eitthvað frá sér bleytu.
Þeir sem eiga erfitt með gang skulu upplýsa okkur við fyrsta tækifæri þ.a. við getum sent inn beiðni á gististaði.
Skotganga (Scot Walks Ltd) er ferðaþjónustufyrirtæki í Skotlandi, UK.
Ef einhver kemst ekki í þá ferð sem viðkomandi hefur bókað í, er ekki hægt að fá endurgreiðslu á innáborgun né færa innáborgun yfir á aðra ferð. Við mælum með því að fólk skoði forfallatryggingar sem tengjast kredikortum sínum eða skaffi sér sérstaka ferðatryggingu.
Það er því miður ekki lengur möguleiki að nota vildarpunkta og gjafabréf í hópbókun með Icelandair. Þeir sem vilja nota vildarpunkta geta valið að kaupa sitt flug sjálfir á heimasíðu Icelandair.
Þátttaka í hópbókun krefst að minnsta kosti 10 farþega. Ef lámarksþáttaka næst ekki, gilda reglur og skilyrði hópsins ekki lengur.
Farangursheimild, ein taska sem vegur 23 kg og handfarangur 10 kg er innifalin.
Hópurinn þarf að hefja ferð saman en farþegar geta breytt heimför gegn breytingargjaldi. Breyting verður að gerast áður en flugmiði er gefinn út.
Ef þátttakandi bókar ferðina meö röngu nafni, getur Icelandair krafist nafnabreytingar gegn ákveðnu gjaldi.
Allar breytingar og aðrar fyrirspurnir varðandi flug þurfa að fara í gegnum Skotgöngu, þar sem um hópbókun er að ræða.
Hægt er að kaupa flugið út í hópbókun en ekki er hægt að kaupa flug fyrir heimferð eingöngu. Hægt er að tala við ferðaskrifstofuna (Skotgöngu) með breytingu á heimferð frá öðru landi í þeim tilfellum sem fólk er að ferðast annað eftir ferðina.
Lokagreiðsla á ferð er 10 vikum fyrir brottför. Þátttakendur munu fá tilkynningu þegar kemur að lokagreiðslu.
Næstu ferðir
