Um morguninn býður Inga upp á kynningargöngu um svæðið. Gengið er frá hóteli og að gamla bænum sem er fallegur með sínum einstaka stíl og karakter.

Seinnipartinn verður Helga með vatnsleikfimi, teyjur og slökun í sundlauginni á þaki hótelsins. Eftir það hittist hópurinn í hannyrðahorninu í hópaverkefni.

Ekið í ca. 30 mín til Icod de los Vinos, þar sem við munum heimsækja vinsælt fiðrildasafn með meira en 800 fiðrildum frá öllum heimshornum. Eftir það er frjáls tími og þá er hægt að skoða El drago, sem er talið vera elsta drekatré í heimi, setjast í hádegisverð og skoða sig um eða kíkja í verslanir.

Síðan tekur við um hálftíma akstur á bananabúgarðinn í La Orotava og þar fáum við leiðsögn um garðinn. Eftir það er ekið heim á hótel og tekur það um 15 mínútur. Eftir það er frjáls tími tilvalið að taka leigubíl í ca. 15 mínútur til Centro Comercial La Villa en þar er að finna úrval verslana.

Siðan er vatnsleikfimi og hannyrðahorn.

Við byrjum daginn á morgungöngu meðfram strandlengjunni og sjósundi. Síðan er frjáls tími og tilvalið að fá sér hádegisverð í bænum, skoða sig um og kíkja í einhverjar af verslununum sem þar eru.

Hannyrðahornið er á sínum stað seinnipartinn á hótelinu.

Eftir kvöldmat röltum við saman um miðbæinn en þar er að finna mikið af tónlistarfólki úti á götu og margir staðir bjóða upp á að dansa. Tilvalið að setjast inn á einn staðinn í flottan drykk og njóta lífsins.

Hægt er að slappa af á hótelinu, rölta um bæinn eða heimsækja Loro Parque sem hefur oft verið valinn besti dýragarður í heimi. Það er upplifun að fara í dýragarðinn sem er rétt hjá og öðruvísi að fara bara sem fullorðin án barna. Velja sér algjörlega það sem heillar hverja og eina mest og staldra þar við og njóta í rólegheitunum.

Boðið verður upp á göngu með fararstjóra fyrir hádegi á flóamarkaðinn el Rastro sem er opinn alla laugardaga fyrir þær sem vilja. Það er spennandi upplifun að gramsa, skoða og finna eitthvað eitt eða tvennt sem heillar og gaman er að.

Eftir morgunverð er gengið að orkíteugarðinum Jardin de Orquideas de Sitro Litre. Við skoðum okkur þar um stund og göngum svo saman að grasagarðinum Jardín Botánico. Frjáls tími til að skoða sig um garðinn, setjast í drykk á veitingastað til hliðar við garðinn og/eða kíkja í verslanir.

Á leiðinni til baka er stoppað við litríkar tröppur sem voru málaðar til heiðurs Agatha Christie. Hver trappa táknar einn af bókakjölum bóka hennar en Agatha hreifst mjög af Puerto de La Cruz, þegar hún kom þangað 1927. Eftir hádegi er í boði sundleikfimi og hannyrðahornið á sínum stað.

Gengið er frá hóteli og meðfram ströndinni. Þar ætlar Helga að bjóða þeim sem vilja í sjósund og aðrar geta rölt lengra með Ingu.

Síðan er frjáls tími. Tilvalið að nýta sér aðstöðuna á hótelinu, leggjast í sólbað eða á efstu hæð hótelsins eða fara í SPA. Eins er hægt að fara í Lago Martiánez sem er fallegur sundlaugargarður við sjóinn.

Seinnipartinn hittumst við i síðasta hannyrðahorninu.

Við hittumst síðan í sal á hóteli kl. 18:00 og við skorum á allar að klæðast einhverju bleiku um kvöldið. Gaman saman í sal á hótelinu og síðan förum við saman út að borða um kvöldið.