Ferðaáæltun
Gönguferð í Dalmatíuhéraði í Króatíu
Vinsamlegast athugið að þar sem flugið er eftir miðnætti þarf að mæta á Keflavíkurflugvöll kvöldið 23/09.
Flug LH 869 með Lufthansa kl. 00:25 (24/09) og lent í Frankfurt kl. 05:55. Flug OU 413 með Croatian Airlines kl. 12:05 og lent í Split kl. 13:45.
Fararstjórar taka á móti hópnum á Spit flugvelli og ekið er suður til Podgora, sem er lítill strandbær. Þar verður gist á Medora Auri Family Beach Resort**** í 6 nætur.
Gengið frá hótelinu í norðurátt meðfram ströndinni til Makarska. Þar er frjáls tími til að skoða sig um í bænum og snæða hádegisverð. Síðan er ekið til baka á hótelið.
Ekið til Veliko Brdo sem er lítið þorp skammt frá Makarska. Þaðan er gengið í hlíðunum fyrir ofan Makarska ströndina og niður til Tučepi.
Ekið til Makarska. Þar verður stigið um borð í seglskipið Calypso.
Siglt til eyjunnar Hvar, þar sem við höfum eina klukkustund til að skoða okkur um í gamla bænum Jelsa. Síðan er siglt til eyjarinnar Brac. Á leiðinni er boðið uppá hádegisverð í skipinu. Á Brac verður stoppað á frægustu stönd Króatíu (Bol). Þar er frjáls tími í 4 klst þar sem hægt er að ganga um svæðið og sóla sig og synda við ströndina.
Að því loknu er siglt til baka til Makarska og ekið þaðan á hótelið.
Ekið í Biokovo þjóðgarðinn, þar sem hægt er að velja um tvær göngur í fjöllunum í þjóðgarðinum. Önnur gangan er auðveld en hin erfiðari þ.a. allir ættu að finna sér eitthvað við sitt hæfi. Þeir sem vilja geta farið í fjallgöngu upp á topp en hinir geta gengið styttra.
Eftir það er ekið til Skywalk sem er útsýnispallur með stórfenglegu útsýni yfir Makarska ströndina og Dalmatísku eyjanna. Þaðan er haldið á veitingarstað þar sem snæddur verður hádegisverður. Að því loknu er ekið til baka á hótelið.
Boðið upp á skoðunarferð til Bosníu (valfjrálst - greitt aukalega). Tekin er stefnan til borgarinnar Mostar. Síðan er gefinn frjáls tími til að skoða sig um og fara í hádegisverð áður en ekið er til baka.
Vinsamlegast athughið að lámarksþátttaka í ferðina eru 6 manns.
Aðrir eiga frjálsan dag. Hægt að hafa það huggulegt í Podgora eða fara með strætó eða leigubíl til Drubrovnik.
Tékkað út af hótelinu í Tucepi og ekið norður til Omis, þar sem næsta gönguleið hefst. Gengið upp fjallaskarð með stórkostlegu útsýni. Gangan endar við Cetina ána, þar munum við snæða króatískan hádegisverð á vinælum veitingastað.
Eftir hádegisverðinn ökum við til Split þar sem gist verður síðustu nóttina í ferðinni á Art Hotel****.
Frjálst síðdegi og kvöld í Split.
Frjáls tími fram að brottför. Ekið til Split flugvallar. Flug OS 746 með Austrian Airlines kl. 15:15 og lent í Vienna kl. 16:25. Flug OS 327 með Austrian Airlines kl. 21:00 og lent í Keflavík kl. 23:20.
Hvað er innifalið
- Áætlunarflug á vegum VITA ferða KEF-VIE
- Áætunarflug á vegum VITA ferða VIE-SPU
- Áætlunarflug á vegum VITA ferða SPU-FRA
- Áætlunarflug á vegum VITA ferða FRA-KEF
- Ein taska max 23 kg & 8 kg handfarangur
- Flugvallarskattar
- Gisting í 7 nætur með morgunverði
- 6 kvöldverðir
- 3 hádegisverðir
- Allur akstur skv. dagskrá
- Íslensk fararstjórn
- Innlend fararstjórn á gönguleiðum
- Skattar & lögboðin tryggingagjöld í UK
Ekki innifalið
- Ferðatryggingar
- Dagsferð til Bosníu (valfrjálst - €50 á mann)
- Kvöldverður í Split
- 3 hádegisverðir
- Þjórfé fyrir bílstjóra & staðal leiðsögumanns
Inga Geirsdóttir
Kristín Geirsdóttir
Núvitund, lífsgleði og manngæska, einkenndi þessa ferð frá a til ö. Það var mjög gaman að ferðast með þessum góða hópi auk þess var fararstjórnin upp á tíu. Takk Inga og Magga fyrir frábært skipulag og alla gleðina.
Gönguferðin til Króatíu stóðst allar væntingar. Gullfallegt svæði, mjög góður aðbúnaður, gönguleiðir með stórfenglegu útsýni. Ferðin til Mostar í Bosníu mögnuð upplifun. Skipulag allt og utanumhald fararstjóra eins og best verður á kosið. Takk fyrir.
Þvílík ferð. Allt skipulag með eindæmum, frábær blanda af
gönguferðum, túristaferðum og endalaust gleði og hlýja. Stóðst allar mínar væntingar og meira en það. Inga og Snorri eru einstök og draga að sér frábært fólk.
Algengar spurningar
Þó að við getum aldrei treyst á veðrið, er lok september talinn vera frábær tími fyrir gönguferðir í Króatíu með meðalhita um 18-23 °.
Göngustígar eru mismunandi eftir dagleiðum en yfirhöfuð erum við að ganga á breiðum malar- og moldarstígum. Einnig er gengið á malbiki að hluta fyrsta daginn til Makarska. Athugið að göngurnar eru grýttar á köflum.
Á tveimur dagleiðum er hægt að ganga hluta af leiðinni og eins er hægt að taka sér frídag hvenær sem er í ferðinni.
Medora Auri Family Beach Resort**** (6 nætur)
Hotel Medora er glæsilegt hótel við ströndina í Podgora. Hótelið býður upp á upphitaða
útisundlaug, heilsulind, líkamsrækt, veitingastað og bar.
Herbergin eru snyrtileg með svölum, baðherbergi með sturtu, skrifborði, sjónvarpi,
öryggishólfi, ísskápi, loftkælingu, te og kaffi aðstöðu og hárblásara.
Hótelið býður upp á Wi-Fi tengingu að kostnaðarlausu.
Art Hotel Split**** (1 nótt)
Art Hotel býður upp á sundlaug, líkamsrækt, veitingastað, bar og heilsulind.
Hótelið er staðsett í aðeins 10 mín göngu frá helstu kennileitum borgarinnar.
Herbergin eru með baðherbergi með sturtu, skrifborði, sjónvarpi, öryggishólfi, ísskápi, loftkælingu, te og kaffi aðstöðu og hárblásara.
Hótelið býður upp á frítt internet.
Því miður er ekki hægt að fá þriggjamanna herbergi í þessari ferð en hægt að biðja um herbergi hlið við hlið.
Skotganga (Scot Walks Ltd) er ferðaþjónustufyrirtæki í Skotlandi, UK.
Það er því miður ekki lengur möguleiki að nota vildarpunkta og gjafabréf í hópbókun með Icelandair og VITA. Þeir sem vilja nota vildarpunkta geta valið að kaupa flug á eigin vegum.
Ef einhver kemst ekki í þá ferð sem viðkomandi hefur bókað í, er ekki hægt að fá endurgreiðslu á innáborgun né færa innáborgun yfir á aðra ferð. Við mælum með því að fólk skoði forfallatryggingar sem tengjast kredikortum sínum eða skaffi sér sérstaka ferðatryggingu.
Lokagreiðsla á ferð er 10 vikum fyrir brottför. Þátttakendur munu fá tilkynningu þegar kemur að lokagreiðslu.
