Ekið stutta vegalengd til Xemxija á austurströnd Möltu.

Í dag er gengið í ca. 3 tíma. Við fylgjum Heritage Trail á fornum rómverskum vegaslóða til Mizieb skógar, förum fram hjá Manikata þorpinu og göngum í gegnum Majistral Nature Park og þaðan yfir á vesturströndina. Endum gönguna við Popeye Village, sem vartökustaður kvikmyndarinnar um Stjána bláa með Robin Williams í aðalhlutverki. Frjáls tími þar til að skoða sig um og snæða hádegisverð.

Síðan ekið til baka á hótel. Frjáls eftirmiðdagur og kvöld.

Ekið til Cirkewaa ferjuhafnarinnar á norðurströndinni.

Þar tökum við bát sem siglir með okkur til eyjarinnar Comino. Siglingin tekur 10 mínútur. Komum í land í Blue Lagoon þar sem gangan hefst. Göngum hringleið (ca. 3 tímar) á eyjunni en tökum síðan bát til Cirkewaa.

Ekið til baka á hótelið. Sameiginlegur kvöldverður á hóteli.

Ekið til Gnejna Bay á vesturströnd Möltu.

Göngum að Lippija Tower, áfram skagann framhjá Riviera Bay og Quarraba Point. Gangan endar á Golden Bay. Þar verður frjáls tími í klukkustund til að fá sér hádegismat. Ökum síðan til baka á hótelið.

Frjáls eftirmiðdagur og kvöld

Tékkum út af hótelinu og ökum við til Cirkewaa ferjuhafnarinnar. Þar tökum við ferju yfir til eyjarinnar Gozo.Siglingin tekur 30 mínútur.

Gengið meðfram vesturströnd Gozo frá Xatt I-Ahmar áleiðis til Xlendi Bay (ca. 3 tímar). Eftir gönguna er sameiginlegur hádegisverður í Xlendi. Síðan ökum við til Ggiantija Archeological Park. Þar ætlum við að skoða 5.600 ára steinaldamynjar. Ökum þaðan til mjög sérstæðs bóndabæjar (Dreams of Horses Farm) og kynnum okkur starfsemina. Ekið þaðan til ferjuhafnarinnar í Gozo og tökum ferjuna til baka til Möltu.

Að lokum ekið á hótelið okkar í Sliema, AX Victoria Hotel. Þar gistum við síðustu 3 næturnar í ferðinni. Sameiginlegur kvöldverður á hóteli.

Skammt frá hótelinu okkar er ferjuhöfnin í Sliema. Þaðan tökum við ferju yfir til Valetta, höfuðborgar Möltu. Borgin er rík af listum, arkitektúr og sögu, auk staða til að njóta góðs matar og drykkja.

Við förum í stutta gönguferð í borginni og fræðumst um sögu hennar. Að því loknu tekur við frjáls tími til að skoða sig um, versla og snæða hádegisverð.

Ökum til Marsaskala sem er bær á suð-austur stönd Möltu. Þaðan er gengið fallega strandleið til Marsaxlokk.

Marsaxlokk er fallegt sjávarþorp á suðausturhluta Möltu. Bærinn er vinsæll ferðamannastaður og hafnarstæðið með fjölmörgum fiskibátum er afar myndrænt.

Þar verður gefinn frjáls tími til að skoða sig um og snæða hádegisverð. Síðan er ekið til baka á hótelið okkar í Sliema.