Við byrjum daginn á rólegri göngu um Riquewihr. Litrík bindingsverkshús, þröngar götur og falleg smáatriði mæta okkur við hvert fótmál og við leyfum okkur að njóta þess að vera komin á þennan heillandi stað. Að göngunni lokinni er frjáls tími fram eftir degi. 

Seinnipartinn eigum síðan notalega samverustund. Um kvöldið förum við saman út að borða og njótum fyrsta heila ferðadagsins yfir góðum mat og léttu spjalli.

Í dag er frjáls dagur. Nú gefst tækifæri til að fylgja eigin löngunum og njóta þess sem Riquewihr og nágrennið hafa upp á að bjóða.

Þær sem vilja hreyfa sig geta leigt hjól og farið um fallegar sveitir Alsace eða lagt upp í göngu um nágrennið. Aðrar kjósa ef til vill rólegan morgun, góðan kaffibolla og tíma til að sitja og horfa á mannlífið. Einnig er hægt að njóta spa-aðstöðu hótelsins eða kanna möguleika á nuddi og öðrum meðferðum. 

Í dag liggur leið okkar til Kaysersberg. Aksturinn þangað tekur ca. 20 mínútur. Sameiginleg ganga um þennan fallega bæ og við gefum okkur tíma til að njóta húsanna, gatnanna og þess sérstaka sjarma sem einkennir þorp Alsace. Að göngu lokinni er frjáls tími til að fá sér góðan hádegisverð, skoða litlar verslanir og rölta áfram á eigin hraða. Síðan er ekið aftur heim á hótel.

Seinnipartinn heimsækjum við vínbónda, þar kynnumst vínrækt svæðisins og smökkum hin þekktu hvítvín Alsace. Ljúf stund þar sem bragð, fróðleikur og góður félagsskapur koma saman.

Dagurinn hefst á 30 mínútna akstri til Musée de la Maison du Fromage. Þar kynnumst við ostagerð og hefðum svæðisins og fáum að smakka á gómsætum ostum.

Þaðan ökum við í ca. klukkutíma til Mulhouse, þar sem gefst frjáls tími til að rölta um og fá sér hádegisverð. Eftir hádegi heimsækjum við textílsafn borgarinnar og kynnumst sögu, mynstrum og handverki sem hafa sett svip sinn á svæðið.

Seinnipartinn tekur eigum notalega stund saman fyrir kvöldverð. Eftir mat förum við í kvöldgöngu og njótum þorpsins þegar hægist á mannlífinu.

Í dag heimsækjum við Colmar, eina af perlum Alsace. Þar bíða okkar litrík hús, falleg síki og götur sem bjóða upp á að villast svolítið – og finna eitthvað fallegt á leiðinni. Í hverfinu sem gjarnan er kallað „Litlu Feneyjar“ speglast húsin í vatninu og stemningin býður upp á hæga göngu og góða stund. Við gefum okkur frjálsan tíma til að njóta bæjarins á eigin hraða. Hægt er að setjast á kaffihús, kíkja í verslanir eða fara í siglingu um síkin og upplifa bæinn frá nýju sjónarhorni.