Ferðaáætlun
Á slóðir Auðar djúpúðgu með Vilborgu Davíðsdóttur
Flug FI430 kl. 07:35 með Icelandair til Glasgow og lent kl. 10:50. Ekið til Glasgow þar sem gist er fyrstu nóttina.
Frjáls dagur í Glasgow.
Ekið til Dumbarton Rock kastala (Bretavirkis/Dún Breatann) og skoðum okkur um við kastalann. Eftir það er ekið til Loch Lomond - skoðum okkur þar um og ökum svo til Tyndrum þar sem boðið er upp á hádegisverð. Eftir það liggur leiðin til Oban á vesturströndinni og þar er gist næstu 2 nætur.
Siglt til Craignure á eyjunni Mull (Mýli) og tekur siglingin um 45 mínútur. Þaðan er ekið til Fionnphort þar sem við tökum bát sem siglir með okkur í ca. 10 mínútur yfir lítið sund til Iona, Eyjarinnar helgu. Þar munum við m.a. skoða hið fræga munkaklaustur sem heilagur Columba setti á stofn 563 og Ketill flatnefur rændi á 9. öld, eins og sagt er frá í bókinni Auði.
Síðan er siglt aftur til Oban.
Ekið til Glencoe sem kallaður hefur verið Táradalurinn. Við stoppum um stund í þjónustumiðstöðinni þar og kynnum okkur merka sögu staðarins. Eftir það er ekið til Glenfinnan þar sem við kynnum okkur sögu Bonnie Prince Charlie, sem leiddi uppreisnartilraun Jakobíta 1745. Þaðan er ekið til Fort William þar sem við snæðum hádegisverð.
Því næst er ekið norður eftir Great Glen til Loch Ness og Inverness (Nesárósa í Vígroða) þar sem við gistum næstu nótt.
Ekið til Drumnadrochit við Loch Ness þar sem við munum skoða hinn stórfenglega Urquhart kastala. Eftir að kastalinn er skoðaður er frjáls tími til að kaupa sér hádegisverð í þjónustumiðstöðinni í kastalanum.
Síðan er ekið til Burghead (Borgarhöfðavirkis í Vígroða). Þar verjum við dágóðri stund áður en ekið er til Tain, þar sem gist verður næstu nótt.
Ekið norður til Kataness. Á leiðinni sjáum við vellina þar sem þing norrænna manna er háð í Vígroða við Lagavatn (Loch Loyal) undir Lagafjalli (Ben Loyal), Tungu (Tounge) og Þórsá (Thurso), jörð Auðar. Snæðum hádegisverð í Wick (Vík). Þaðan er ekið framhjá Freswick (Þraðsvík á Skarðsströnd) til Duncansby Head (Dungaðsbær í Blóðugri jörð). Stöldrum þar við og skoðum okkur um. Síðan er ekið til John O´Groats á leið okkar til Scrabster (Skarabólstaðar). Þar tökum við ferjuna kl. 19:00 og siglum í kjölfar Auðar framhjá Hoy (Háey) til Stromness (Straumnes) á Orkneyjum, þar sem Orkneyjajarl bjó undir Varðhól.
Að siglingu lokinni er ekið til Kirkwall (Kirkjuvogs). Þar verður gist næstu 2 nætur.
Deginum varið í skoðunarferð á Orkneyjum þar sem við heimsækjum Skara Brae, Standing Stones of Stennes (brúðkaupið á Steinanesi í Blóðugri jörð), Barnhouse steinaldarþorpið, steinahringinn Ring of Brodgar og rústir Jarlahallarinnar í Birsey. Boðið upp á hádegisverð á Merkister Hotel við Loch of Harray.
Að lokum er ekið til baka til Kirkwall.
Frjáls dagur í Kirkwall. Kl. 14:00 er ekið frá Kirkwall til Lambhólma, þar sem við skoðum kapelluna sem ítalskir stríðsfangar smíðuðu í seinni heimstyrjöldinni.
Eftir það er keyrt til til Stromness, þar sem við tökum ferjuna yfir til Scrabster. Þaðan er stutt keyrsla til Wick. Þar snæðum við kvöldverð. Að því loknu er ekið suður til Inverness (Nesárósar í Vígroða) þar sem gist verður næstu nótt.
Ekið frá Inverness til Stirling með viðkomu í Pitlochry. Gist í Stirling síðustu nóttina.
Ekið til Glasgow flugvallar. Flug FI431 kl. 14:20 og lent kl. 15:45.
Hvað er innifalið
- Áætlunarflug með Icelandair KEF-GLA
- Áætunarflug með Icelandair GLA-KEF
- Ein taska max 23 kg & 10 kg handfarangur
- Flugvallarskattar
- Gisting í 9 nætur með morgunverði
- 9 kvöldverðir
- 3 hádegisverðir
- Allur akstur í Skotlandi samkv. dagskrá
- Ferjusiglingar (Mull, Iona & Orkneyjar)
- Aðganseyrir í Iona Abbey
- Aðgangseyrir í Urquhart kastala
- Aðgangseyrir í Skara Brae
- Aðgangseyrir í ítölsku kapelluna
- Íslensk fararstjórn
- Skattar & lögboðin tryggingagjöld í UK
Ekki innifalið
- 4 hádegisverðir
- Drykkir með mat
- Ferðatryggingar
- Þjórfé fyrir rútubílstjóra
Vilborg Davíðsdóttir
Snorri Guðmundsson
Margrét Snorradóttir
Ferðin stóðst allar mínar væntingar fullkomlega og mér fannst samspil Vilborgar og Snorra í leiðsögninni og hvernig þau fléttuðu saman sagnaheimi bókanna og sögu Skotlands alveg framúrskarandi.
Ég öfunda smá þau sem eiga eftir að fara í Auðarferð. Upplýsi hér með að ég hef ekki verið í betur skipulagðri ferð, né með skemmtilegri fararstjórn og leiðsögn. Í einu orði sagt: TOPPFERÐ!
Samspilið á milli fararstjóranna var frábært. Milli þess sem Vilborg tengdi sögusviðið í bókum sínum við landið, fjöllin og vötnin í norðurhluta Skotlands, fræddi Snorri okkur um sögu Hálandanna og ættarstríð og uppreisnir sem þar geisuðu fyrr á tímum.
Algengar spurningar
Þegar þið pakkið í töskuna skuluð þið ímynda ykkur að þið séuð að ferðast um Ísland um miðjan júní; það má segja að veður í Skotlandi sé yfirleitt „mánuði betra“ en á Íslandi. Mikilvægt að pakka léttum regnjakka því það er aldrei að vita hvenær gerir regnskúr rétt eins og á Íslandi, eða verður "dreich" eins og sagt er á skoskunni (frb. „drích“).
Glasgow (08/05) - Holiday Inn Theatreland Glasgow
Oban (09/05 & 10/05) – Royal Hotel Oban & Ranald Hotel
Inverness (11/05) – Travelodge Inverness
Tain (12/05) – Morangie House Hotel & Mansfield Castle
Kirkwall (13/05 & 14/05) – Kirkwall Hotel & West End Hotel
Inverness (15/05) – Premier Inn Millburn Road
Stirling (16/05) – Golden Lion Hotel
Því miður er ekki hægt að vera 3 saman í herbergi. Þær sem ferðast 3 saman geta sent inn beiðni að fá herbergi hlið við hlið.
Við göngum ekki mikið og erum yfirleitt á mjög greiðfæru undirlagi en áreynslan er meiri af því að sitja í rútunni og mikilvægt að geta hreyft ökklana. Þá er gott að vera á lágum gönguskóm/íþróttaskóm sem lofta.
Sterklegir gönguskór eru því óþarfi, frekar léttir og lágir skór, sem hrinda eitthvað frá sér bleytu. Athugið að við förum 2-3 sinnum yfir grasi vaxið svæði.
Skotganga (Scot Walks Ltd) er ferðaþjónustufyrirtæki í Skotlandi, UK.
Ef einhver kemst ekki í þá ferð sem viðkomandi hefur bókað í, er ekki hægt að fá endurgreiðslu á innáborgun né færa innáborgun yfir á aðra ferð. Við mælum með því að fólk skoði forfallatryggingar sem tengjast kredikortum sínum eða skaffi sér sérstaka ferðatryggingu.
Það er því miður ekki lengur möguleiki að nota vildarpunkta og gjafabréf í hópbókun með Icelandair. Þeir sem vilja nota vildarpunkta geta valið að kaupa sitt flug sjálfir á heimasíðu Icelandair.
Þátttaka í hópbókun krefst að minnsta kosti 10 farþega. Ef lámarksþáttaka næst ekki, gilda reglur og skilyrði hópsins ekki lengur.
Farangursheimild, ein taska sem vegur 23 kg og handfarangur 10 kg er innifalin.
Hópurinn þarf að hefja ferð saman en farþegar geta breytt heimför gegn breytingargjaldi. Breyting verður að gerast áður en flugmiði er gefinn út.
Ef þátttakandi bókar ferðina með röngu nafni, getur Icelandair krafist nafnabreytingar gegn ákveðnu gjaldi.
Allar breytingar og aðrar fyrirspurnir varðandi flug þurfa að fara í gegnum Skotgöngu, þar sem um hópbókun er að ræða.
Hægt er að kaupa flugið út í hópbókun en ekki er hægt að kaupa flug fyrir heimferð eingöngu. Hægt er að tala við ferðaskrifstofuna (Skotgöngu) með breytingu á heimferð frá öðru landi í þeim tilfellum sem fólk er að ferðast annað eftir ferðina.
Lokagreiðsla á ferð er 10 vikum fyrir brottför. Þátttakendur munu fá tilkynningu þegar kemur að lokagreiðslu.
Næstu ferðir
