Ferðaáætlun
Gönguferð í Montenegro (Svartfjallalandi)
Flug LO500 kl. 00:45 með Lot Polish Airlines og milli lent í Warsaw kl. 06:45. Flug LO583 kl. 10:40 frá Warsaw, lent í Podgorica höfuðborg Montenegro kl. 12:40.
Fararstjórar taka á móti hópnum á flugvellinum og þaðan er ekið til Kolacin, sem er lítill bær í norðurhluta Montenegro, staðettur tæplega 1.000 m yfir sjávarmáli.
Gist er á Hotel Bianca Resort & Spa **** fyrstu 3 næturnar.
Ekið í norðurátt til Durmitor National Park (2 klst). Í þessum þjóðgarði er að finna ótrúlegt landslag með háum fjöllum, hálendissléttum, jökulvötnum, djúpum gljúfrum og skógum. Hæsti tindur þjóðgarðsins og jafnframt hæsta fjall Montenegro er Bobotov Kuk, 2,522 m að hæð. Þar er líka að finna Tara gljúfrið, dýpsta gljúfur Evrópu (1,300 m djúpt). Durmitor þjóðgarðurinn er á heimsmynjaskrá UNESCO.
Gönguleið okkar byrjar í 1,735 m hæð. Á leið okkar er stórkostlegt útsýni yfir Svartavatn (Crno Jezero) og fjöllin í kring.
Ekið í Biogradska Gora þjóðgarðinn (45 mín). Hann er staðsettur í hjarta Bjelasica fjallgarðsins í norðausturhluta landsins. Þjóðgarðurinn er þekktur fyrir stórbrotið landslag, forna frumskóga, jökulvötn og fjölbreytt lífríki.
Gangan hefst í 1,515m hæð yfir sjávarmáli og við göngum hringleið að útssýnistað í þjóðgarðinum. Eftir gönguna er boðið upp á hádegisverð í þjóðgarðinum áður en við ökum til baka á hótelið okkar í Kolasin. Frjáls tími seinnipartinn.
Tékkað út af hótelinu í Kolasin og ekið suður á bóginn til Rijeka Crnojevica. Þar munum við fara í siglingu um Skadar vatnið, sem er það stærsta á Balkanskaganum, staðsett á landamærum Montenegro og Albaníu. Í siglingunni verður boðið upp á vínsmökkun.
Eftir siglinguna verður frjáls tími til að snæða hádegisverð. Síðan er ekið til Budva (1 klst), sem er einn vinsælasti strandbærinn í Montenegro. Gamli miðaldabærinn í Budva er vel varðveittur með steingötum, kirkjum og borgarveggjum. Gistum rétt utan við gamla bæinn síðustu 5 næturnar í ferðinni á Hotel Avala *****.
Ekið að Kotor flóa (40 mín) er þar tökum við kláf sem tengir Kotor við Lovcen þjóðgarðinn. Ferðin í kláfnum tekur 11 mín og fer með okkur í 1,348m hæð. Á gönguleiðinni í þjóðgarðinum skoðum við grafhýsi Peter II Petrovic-Njegos sem er eitt þekktasta minnismerki Montenegro, staðsett á tindi Jezerski vrh í 1,657 m hæð.
Að göngu lokinni verður boðið upp á prsuto (skinka) og osta smakk í þjóðgarðinum áður en ekið er til baka á hótelið okkar í Budva.
Ekið til Kotor (45 mín), sem er forn borg staðsett við Kotorflóa á Adríahafsströnd Montenegro. Borgin er ein fallegasta og sögufrægasta borg landsins, þekkt fyrir miðaldagötur, steinbyggingar og virkið sem gnæfir yfir borginni. Við munum ganga upp í virkið og virða fyrir okkur stórfenglegt útsýni yfir borgina og Kotorflóa.
Að virkisgöngu lokinni munum við ganga um borgina með heimamanni sem fræðir okkur um sögu staðarins. Síðan er frjáls tími til að skoða sig frekar um, versla og snæða hádegisverð áður en við ökum til baka.
Í dag er frjáls dagur. Í boði er að fara í dagsferð til Dubrovnik í Króatíu (aukagjald). Eins er hægt að taka því rólega og nýta sér aðstöðuna á 5 stjörnu hótelinu okkar í Budva.
Ekið að Sveti Stefan sem er lítil brúuð eyja örskammt frá Adríahafsströnd Montenegro. Eyjan er einn mest myndaði staður á Balkanskaganum. Við göngum meðfram ströndinni frá Sveti Stefan að hótelinu okkar á Budva. Frjáls eftirmiðdagur
Kl. 13:00 er ekið til Podgorica flugvallar (ca. 90 mín akstur).
Flug LO586 með Lot Polish Airlines kl. 17:15, lent í Warsaw kl. 19:05. Flug LO499 frá Warsaw kl. 21:35. Lending í Keflavík kl. 23:55
Hvað er innifalið
- Áætlunarflug LOT frá KEF til WAW
- Áætlunarflug LOT frá WAW til TGD
- Áætlunarflug LOT frá TGD til WAW
- Áætlunarflug LOT WAW til KEF
- Ein taska hámark 23 kg & 8 kg handfarangur
- Gisting í 8 nætur með morgunverði
- 8 kvöldverðir
- 1 hádegisverður
- Aðgangseyrar í þjóðgarða/nátúruverndarsvæði
- Aðgangseyrir í skíðakláfa
- Bátsferð með vínsmökkun
- Léttar veitingar í þjóðgarðinum
- Allur akstur skv. dagskrá
- Íslensk fararstjórn
- Gönguleiðsögumaður í Durmitor-þjóðgarði
- Ferðaleiðsögumaður í Kotor
- Skattar & lögboðin tryggingagjöld í UK
Ekki innifalið
- Ferðatryggingar
- 7 hádegisverðir
- Drykkir með mat
- Þjórfé fyrir bílstjóra & staðar leiðsögumanns
Snorri Guðmundsson
Inga Geirsdóttir
Þær eru margar skemmtilegar minningar úr ferðunum með Skotgöngu. En það sem stendur upp úr er að hafa fengið að kynnast fjölskyldunni. Þau gefa svo mikið af sér og hafa lag á að láta öllum líða vel í kringum sig.
Ég hef farið í 8 eða 9 ferðir með Skotgöngu hver annari betri, væntumþykjan og vináttan er ólýsanleg. Það hefur verið mikil gleði að kynnast Ingu og Snorra.
Mér finnst ég ríkari eftir að hafa kynnst Ingu og fjölskyldu og vona að ég eigi oft eftir að feta margar gönguslóðir með þeim. Þau eru öll sem eitt boðin og búin að gera allt fyrir göngugestina sem hægt er.
Algengar spurningar
Fyrstu 3 dagana gistum við í Kolacin. Þar má gera ráð fyrir að hiti fari í 18-19 gráður. Síðustu 5 dagana í ferðinni er gist í Budva við ströndina og þar fer hitinn í 20-24 gráður.
Það er hægt að ganga hluta á sumum dagleiðum. Eins er hægt að taka sér frídag hvenær sem er í ferðinni.
Bianca Resort & Spa*** (3 nætur)
Hótelið er staðsett í miðjum furuskógi og býður upp á glæsilegt útsýni yfir Bjelasica-fjallið.
Á hótelinu eru m.a. 2 sundlaugar, Spa, líkamsræktarstöð, veitingastaður og bar.
Herbergin eru snyrtileg með baðherbergi með sturtu eða baði, skrifborði, sjónvarpi, hárblásara, inniskóm og sloppum.
Hótelið býður upp á Wi-Fi tengingu að kostnaðarlausu.
Hotel Avala ***** (4 nætur)
Hotel Avala Resort & Villas er á besta stað í Budva, beint við strönd Montenegró, á móti hinum sögufræga gömlu bæjarveggjum.
Á hótelinu má finna 3 sundlaugar, Spa, veitingastað og bar.
Herbergin eru með svölum, baðherbergi, hárblásara, sjónvarpi og öryggishólfi.
Hótelið býður upp á frítt internet.
Því miður er ekki hægt að vera 3 saman í herbergi. Þau sem ferðast 3 saman geta sent inn beiðni um að fá herbergi hlið við hlið.
Skotganga (Scot Walks Ltd) er ferðaþjónustufyrirtæki í Skotlandi, UK.
Ef einhver kemst ekki í þá ferð sem viðkomandi hefur bókað í, er ekki hægt að fá endurgreiðslu á innáborgun né færa innáborgun yfir á aðra ferð. Við mælum með því að fólk skoði forfallatryggingar sem tengjast kredikortum sínum eða skaffi sér sérstaka ferðatryggingu.
Farangur er bókaður alla leið. Farangursheimild er ein taska sem vegur 23 kg og handfarangur 8 kg.
Lokagreiðsla á ferð er 10 vikum fyrir brottför. Þátttakendur munu fá tilkynningu þegar kemur að lokagreiðslu.
Næstu ferðir
